"მტკვარი ჰესი" აცხადებს სტაჟირებას ინჟინერ-ელექტრიკოსებისათვის.

სტაჟირების ხანგრძლივობა: 3-6 თვე, დასაქმების პერსპექტივით
თვიური ანაზღაურება: 300-500 ლარი (ხელზე ასაღები)
სამუშაო ადგილმდებარეობა: ახალციხე

ძირითადი მოვალეობები:

** პროექტის ელექტრო-მექანიკურ ნაწილთან დაკავშირებული ტექნიკური დოკუმენტაციის, მუშა ნახაზების და სქემების შესწავლა.
** პროექტის ელექტრო-მექანიკური ნაწილის სამუშაოების შესახებ კონტრაქტორებთან მუდმივი კომუნიკაცია.
** პროექტში მონაწილე კონტრაქტორების და ქვეკონტრაქტორების მიერ შესრულებული და შესასრულებელი ელექტრო-სამონტაჟო სამუშაოების ზედამხედველობა და მონიტორინგი. დასრულებული და შემოწმებული ელექტრო-სამონტაჟო სამუშაოების მიღება-ჩაბარებაში მონაწილეობა.
** კომპანიის საკუთრებაში არსებული ელექტრო დანადგარების, ხელსაწყოების, გაყვანილობების და სხვადასხვა სისტემების (გამანაწილებელი მოწყობილობები, მართვის სისტემები და სხვ.) ექსპლუატაციის პირობების დაცვა, უშუალო ხელმძღვანელთან ერთად გაუმართაობის დროული აღრიცხვა, ანალიზი და შესაბამისი ზომების მიღება.
** კომპანიის ინჟინერ-ელექტრიკოსების დავალებების შესრულება, ინტერნის კვალიფიკაციის ფარგლებში.

საკვალიფიკაციო მოთხოვნები და უნარები:

** უმაღლესი აკადემიური განათლება, საინჟინრო/ტექნიკური განხრით. შესაძლებელია დამამთავრებელი კურსის სტუდენტის განხილვაც.
** სავალდებულოა ქართული ენის სრულყოფილად ცოდნა. საიტზე მომუშავე უცხო ქვეყნის მოქალაქეების ყოლიდან გამომდინარე, სასურველია ინგლისური ენის სასაუბრო დონეზე ცოდნა
** საოფისე კომპიუტერული პროგრამების სამომხმარებლო დონეზე ცოდნა
** გუნდურობა, ორგანიზებულობა, სწრაფად მოქმედების და გადაწყვეტილებების დროულად მიღების უნარი.

დაინტერესებულ აპლიკანტებს გთხოვთ, თქვენი CV-ის ბოლო ვერსია გამოაგზავნოთ ელ-ფოსტაზე: hr@hpp.ge 2019 წლის 19 ოქტომბრამდე.

აპლიკანტთა საყურადღებოდ: გთხოვთ, ელფოსტის "subject"-ში მიუთითოთ სიტყვა "სტაჟირება". გასაუბრებაზე მოწვეულნი იქნებიან მხოლოდ ის აპლიკანტები, რომლებიც აკმაყოფილებენ მოთხოვნებს. თქვენი CV-ის გამოგზავნით, თქვენ ავტომატურად აცხადებთ თანხმობას ჩვენი მხრიდან თქვენი პერსონალური მონაცემების დამუშავების შესახებ. არარელევანტური გამოცდილების ქონის შემთხვევაში, თქვენი CV არ შეინახება მონაცემთა ბაზაში და არ გადაეცემა მესამე პირს.

წარმატებას გისურვებთ!