თბილისის საერთაშორისო უნივერსიტეტი აცხადებს ღია კონკურსს აკადემიური თანამდებობების (პროფესორი, ასოცირებული პროფესორი, ასისტენტ პროფესორი, ასისტენტი) დასაკავებლად, როგორც პროფესიული, ისე სამეცნიერო ნიშნით შემდეგ უმაღლეს საგანმანათლებლო პროგრამებზე:

პროფესიული ნიშნით:

ბიზნესის ადმინისტრირების ქართულენოვანი საბაკალავრო და სამაგისტრო  საგანმანათლებლო პროგრამების განსახორციელებლად, შემდეგი მიმართულებით:

• ფინანსები;
• მარკეტინგი;
• მენეჯმენტი;
• ტურიზმი.

 
ვაკანტური ადგილები:

• ასოცირებული პროფესორი  - 3  ვაკანსია;
• ასისტენტ-პროფესორი  - 4  ვაკანსია;
   

საკონკურსო კრიტერიუმები ქართულენოვანი საგანმანათლებლო პროგრამის განსახორციელებლად პროფესორის აკადემიური თანამდებობის დასაკავებლად აკადემიური ნიშნით:

• დოქტორის, ან მასთან გათანაბრებული აკადემიური/სამეცნიერო ხარისხი მიმართულების/დარგის შესაბამისად;
• არანაკლებ 6 წლის სამეცნიერო-პედაგოგიური მუშაობის გამოცდილება - ავტორიზებული, ან მასთან გათანაბრებული სტატუსის მქონე  უმაღლეს საგანმანათლებლო დაწესებულებაში 
• უკანასკნელი 10 წლის განმავლობაში გამოქვეყნებული არანაკლებ ხუთი სამეცნიერო ხასიათის პუბლიკაცია და ერთი მონოგრაფია შესაბამისი დარგისათვის აქტუალურ საკითხებზე;

საკონკურსო კრიტერიუმები ქართულენოვანი საგანმანათლებლო პროგრამის განსახორციელებლად ასოცირებული პროფესორის აკადემიური თანამდებობის დასაკავებლად აკადემიური ნიშნით:

• დოქტორის, ან მასთან გათანაბრებული აკადემიური/სამეცნიერო ხარისხი მიმართულების/დარგის შესაბამისად;
• არანაკლებ 3 წლის სამეცნიერო-პედაგოგიური მუშაობის გამოცდილება - ავტორიზებული, ან მასთან გათანაბრებული სტატუსის მქონე უმაღლეს საგანმანათლებლო დაწესებულებაში;
• უკანასკნელი 10 წლის განმავლობაში გამოქვეყნებული არანაკლებ ხუთი სამეცნიერო ხასიათის პუბლიკაცია , შესაბამისი დარგისათვის აქტუალურ საკითხებზე. 
   

საკონკურსო კრიტერიუმები ქართულენოვანი საგანმანათლებლო პროგრამის განსახორციელებლად ასოცირებული პროფესორის აკადემიური თანამდებობის დასაკავებლად პროფესიული ნიშნით:

• მაგისტრის ან მასთან გათანაბრებული აკადემიური კვალიფიკაცია მიმართულების/დარგის შესაბამისად;
• არანაკლებ 5 წლის პროფესიული მუშაობის გამოცდილება შესაბამის დარგში, წამყვან თანამდებობებზე.

საკონკურსო კრიტერიუმები ქართულენოვანი საგანმანათლებლო პროგრამის განსახორციელებლად ასისტენტ-პროფესორის აკადემიური თანამდებობის დასაკავებლად აკადემიური ნიშნით:

• დოქტორის, ან მასთან გათანაბრებული აკადემიური/სამეცნიერო ხარისხი მიმართულების/დარგის შესაბამისად;
• უკანასკნელი 10 წლის განმავლობაში გამოქვეყნებული არანაკლებ სამი სამეცნიერო ხასიათის პუბლიკაცია, შესაბამისი დარგისათვის აქტუალურ საკითხებზე. 
  
  

საკონკურსო კრიტერიუმები ქართულენოვანი საგანმანათლებლო პროგრამის განსახორციელებლად ასისტენტ-პროფესორის აკადემიური თანამდებობის დასაკავებლად პროფესიული ნიშნით:

• მაგისტრის ან მასთან გათანაბრებული აკადემიური კვალიფიკაცია მიმართულების/დარგის შესაბამისად;
• არანაკლებ 3 წლის პროფესიული მუშაობის გამოცდილება შესაბამის დარგში, წამყვან თანამდებობებზე;

საკონკურსო კრიტერიუმები ქართულენოვანი საგანმანათლებლო პროგრამის განსახორციელებლად ასისტენტის აკადემიური თანამდებობის დასაკავებლად:

• დოქტორანტი შესაბამის მიმართულებაში/დარგში;
• უკანასკნელი 3 წლის განმავლობაში გამოქვეყნებული არანაკლებ ერთი სამეცნიერო ხასიათის პუბლიკაცია, შესაბამისი დარგისათვის აქტუალურ საკითხებზე. 

დამატებითი, არასავალდებულო  კრიტერიუმები:

• სასწავლო კურსის პროგრამის (სილაბუსის) შემუშავების გამოცდილება;
• მონაწილეობა საერთაშორისო ან/და ადგილობრივ სამეცნიერო კონფერენციებში;
• სამეცნიერო სტიპენდიები და გრანტები;
• სახელმძღვანელოს ავტორობა ან/და თანაავტორობა შესაბამის დარგში;
  
  

საკონტაქტო ინფორმაცია კონკურსანტებისათვის:

კონკურსანტთა განაცხადების მიღება იწარმოებს ქაღალდის მტარებელზე, საკონკურსო კომისიის სამდივნოში  შემდეგ მისამართზე:

ქ. თბილისი,  ნუცუბიძის 77

10:00-18:00 საათამდე

საკონტაქტო პირი:

მაია კვაჭანტირაძე

032 210 48 00

593 25 25 21

593 16 46 20

E-mail: info@tsuni.ge