თბილისის საერთაშორისო უნივერსიტეტი აცხადებს ღია კონკურსს აკადემიური თანამდებობების (პროფესორი, ასოცირებული პროფესორი, ასისტენტ პროფესორი, ასისტენტი) დასაკავებლად, როგორც პროფესიული, ისე სამეცნიერო ნიშნით შემდეგ უმაღლეს საგანმანათლებლო პროგრამებზე:
 
სამეცნიერო ნიშნით:
ბიზნესის ადმინისტრირების ქართულენოვანი საბაკალავრო, სამაგისტრო და სადოქტორო  საგანმანათლებლო პროგრამების განსახორციელებლად, შემდეგი მიმართულებით:

• ფინანსები;
• მარკეტინგი;
• მენეჯმენტი;
• ეკონომიკა;
• ტურიზმი.

 
ვაკანტური ადგილები:

• პროფესორი -4 ვაკანსია
• ასოცირებული პროფესორი  - 5  ვაკანსია;
• ასისტენტ-პროფესორი  - 4  ვაკანსია;
• ასისტენტი - 3 ვაკანსია.
   

საკონკურსო კრიტერიუმები ქართულენოვანი საგანმანათლებლო პროგრამის განსახორციელებლად პროფესორის აკადემიური თანამდებობის დასაკავებლად აკადემიური ნიშნით:

• დოქტორის, ან მასთან გათანაბრებული აკადემიური/სამეცნიერო ხარისხი მიმართულების/დარგის შესაბამისად;
• არანაკლებ 6 წლის სამეცნიერო-პედაგოგიური მუშაობის გამოცდილება - ავტორიზებული, ან მასთან გათანაბრებული სტატუსის მქონე  უმაღლეს საგანმანათლებლო დაწესებულებაში 
• უკანასკნელი 10 წლის განმავლობაში გამოქვეყნებული არანაკლებ ხუთი სამეცნიერო ხასიათის პუბლიკაცია და ერთი მონოგრაფია შესაბამისი დარგისათვის აქტუალურ საკითხებზე;

საკონკურსო კრიტერიუმები ქართულენოვანი საგანმანათლებლო პროგრამის განსახორციელებლად ასოცირებული პროფესორის აკადემიური თანამდებობის დასაკავებლად აკადემიური ნიშნით:

• დოქტორის, ან მასთან გათანაბრებული აკადემიური/სამეცნიერო ხარისხი მიმართულების/დარგის შესაბამისად;
• არანაკლებ 3 წლის სამეცნიერო-პედაგოგიური მუშაობის გამოცდილება - ავტორიზებული, ან მასთან გათანაბრებული სტატუსის მქონე უმაღლეს საგანმანათლებლო დაწესებულებაში;
  
  

უკანასკნელი 10 წლის განმავლობაში გამოქვეყნებული არანაკლებ ხუთი სამეცნიერო ხასიათის პუბლიკაცია , შესაბამისი დარგისათვის აქტუალურ საკითხებზე. 
 

საკონკურსო კრიტერიუმები ქართულენოვანი საგანმანათლებლო პროგრამის განსახორციელებლად ასოცირებული პროფესორის აკადემიური თანამდებობის დასაკავებლად პროფესიული ნიშნით:

• მაგისტრის ან მასთან გათანაბრებული აკადემიური კვალიფიკაცია მიმართულების/დარგის შესაბამისად;
• არანაკლებ 5 წლის პროფესიული მუშაობის გამოცდილება შესაბამის დარგში, წამყვან თანამდებობებზე.

საკონკურსო კრიტერიუმები ქართულენოვანი საგანმანათლებლო პროგრამის განსახორციელებლად ასისტენტ-პროფესორის აკადემიური თანამდებობის დასაკავებლად აკადემიური ნიშნით:

• დოქტორის, ან მასთან გათანაბრებული აკადემიური/სამეცნიერო ხარისხი მიმართულების/დარგის შესაბამისად;
• უკანასკნელი 10 წლის განმავლობაში გამოქვეყნებული არანაკლებ სამი სამეცნიერო ხასიათის პუბლიკაცია, შესაბამისი დარგისათვის აქტუალურ საკითხებზე. 

საკონკურსო კრიტერიუმები ქართულენოვანი საგანმანათლებლო პროგრამის განსახორციელებლად ასისტენტ-პროფესორის აკადემიური თანამდებობის დასაკავებლად პროფესიული ნიშნით:

• მაგისტრის ან მასთან გათანაბრებული აკადემიური კვალიფიკაცია მიმართულების/დარგის შესაბამისად;
• არანაკლებ 3 წლის პროფესიული მუშაობის გამოცდილება შესაბამის დარგში, წამყვან თანამდებობებზე;

საკონკურსო კრიტერიუმები ქართულენოვანი საგანმანათლებლო პროგრამის განსახორციელებლად ასისტენტის აკადემიური თანამდებობის დასაკავებლად:

• დოქტორანტი შესაბამის მიმართულებაში/დარგში;
• უკანასკნელი 3 წლის განმავლობაში გამოქვეყნებული არანაკლებ ერთი სამეცნიერო ხასიათის პუბლიკაცია, შესაბამისი დარგისათვის აქტუალურ საკითხებზე. 

დამატებითი, არასავალდებულო  კრიტერიუმები:

• სასწავლო კურსის პროგრამის (სილაბუსის) შემუშავების გამოცდილება;
• მონაწილეობა საერთაშორისო ან/და ადგილობრივ სამეცნიერო კონფერენციებში;
• სამეცნიერო სტიპენდიები და გრანტები;
• სახელმძღვანელოს ავტორობა ან/და თანაავტორობა შესაბამის დარგში;
  
  

კონკურსში მონაწილეობისათვის კონკურსანტმა უნდა წარმოადგინოს შემდეგი დოკუმენტაცია:

• განაცხადი კონკურსის მონაწილეობის მისაღებად შესაბამისი დარგის,  აკადემიური თანამდებობისა და განსახორციელებელი პროგრამის ენის მითითებით (განაცხადი ივსება ადგილზე);
• ავტობიოგრაფია (CV) დეტალური ინფორმაციით კანდიდატის არა მარტო კვალიფიკაციისა და სამეცნიერო-პედაგოგიური მოღვაწეობის შესახებ, არამედ ბოლო 10 წლის განმავლობაში გამოქვეყნებული სამეცნიერო ნაშრომების შესახებ (ასისტენტის აკადემიური თანამდებობის დასაკვებლად მონაწილეთათვის ბოლო 3 წლის განმალობაში გამოქვეყნებული ნაშრომის/ების შესახებ;
• პირადობის დამადასტურებელი მოწმობის ასლი (ელექტრონული ან ქაღალდის მატარებელზე);
• შესაბამისი კვალიფიკაციის დამადასტურებელი საგანმანათლებლო დოკუმენტის/დოკუმენტების ასლები (ელექტრონული ან ქაღალდის მატარებელზე) (შესაბამის სადოქტორო საგანმანათლებლო პროგრამაზე სწავლის დამადასტურებელი დოკუმენტი (ასისტენტისათვის ელექტრონული ან ქაღალდის მატარებელზე);
• 2 ფოტოსურათი, ზომით  3x4;
• კონკურსანტის მიერ შედგენილი შესაბამისი სასწავლო კურსის/კურსების სილაბუსი (კონკურსანტის სურვილისამებრ);
• პროფესიული ნიშნით აკადემიური თანამდებობის დასაკავებლად შესაბამის დარგში პრაქტიკული მუშაობის გამოცდილების დამადასტურებელი დოკუმენტაცია.
• უცხო ენოვანი პროგრამის აკადემიური პერსონალის შესარჩევ კონკურსში მონაწილეობისას ინგლისური ენის ფლობის დამადასტურებელი დოკუმენტაცია ან/და ინფორმაცია; 

კონკურსის ეტაპები, როგორც აკადემიური ისე პროფესიული ნიშნით:

ქართულენოვანი საგანმანათლებლო პროგრამის აკადემიური პერსონალის შესარჩევ კონკურსში მონაწილეთათვის:

• პირველი ეტაპი - კონკურსში მონაწილე კანდიდატთა დოკუმენტაციის შესწავლა წინამდებარე საკონკურსო განაცხადში წარმოდგენილი  კრიტერიუმების მიხედვით;
• მეორე ეტაპი - პირველი ეტაპის წარმატებით გავლილ კანდიდატებთან გასაუბრება შესაბამის დარგში.

ინგლისურენოვანი საგანმანათლებლო პროგრამის აკადემიური პერსონალის შესარჩევ კონკურსში მონაწილეთათვის:

• პირველი ეტაპი - კონკურსში მონაწილე კანდიდატთა დოკუმენტაციის შესწავლა წინამდებარე საკონკურსო განაცხადში წარმოდგენილი  კრიტერიუმების მიხედვით;
• მეორე ეტაპი - პირველი ეტაპის წარმატებით გავლილ კანდიდატებთან გასაუბრება ინგლისურ ენაში (შენიშვნა: ის კანდიდატები, რომლებიც ვერ შეძლებენ წარმოადგინონ უცხო ენის ცოდნის ფლობის დამადასტურებელი საერთაშორისო დონეზე აღიარებული სერტიფიკატი ან/და მასთან გათანაბრებული დოკუმენტი მეორე ეტაპზე დამატებით გაივლიან ტესტირებას);
• მესამე ეტაპი - მეორე ეტაპზე წარმატებით გავლილ კანდიდატებთან გასაუბრება შესაბამის დარგში .

კონკურსის გამოცხადების თარიღი:  28 აპრილი 2017 წელი

კონკურსის ვადები:

აკადემიური თანამდებობის დაკავების მსურველთა საბუთების მიღება იწარმოებს 2017 წლის 29 მაისიდან 02 ივნისის ჩათვლით. 

ქართულენოვანი საგანმანათლებლო პროგრამის აკადემიური პერსონალის შესარჩევ კონკურსში მონაწილეთათვის (როგორც აკადემიური, ისე პროფესიული ნიშნით) კონკურსის ჩატარების ეტაპები:

• კონკურსის პირველი ეტაპი  - 2017 წლის 5-7 ივნისი;
• კონკურსის მეორე ეტაპი  -2017  წლის  8-9 ივნისი.
  
  

კონკურსის შედეგები გამოქვეყნდება 2017 წლის 14 ივნისს.

ინგლისურენოვანი საგანმანათლებლო პროგრამის აკადემიური პერსონალის შესარჩევ კონკურსში მონაწილეთათვის კონკურსის ჩატარების ეტაპები:

• კონკურსის პირველი ეტაპი  - 2017 წლის 5 – 7 ივნისი;
• კონკურსის მეორე ეტაპი  -2017  წლის  8-9 ივნისი (შენიშვნა: ტესტირების ჩატარების აუცილებლობის შემთხვევაში ტესტირება ჩატარდება 31 მაისს)
• კონკურსის მესამე ეტაპი - 2017 წლის 12 ივნისს

 კონკურსის შედეგები გამოცხადდება 2017  წლის 14 ივნისს

საკონტაქტო ინფორმაცია კონკურსანტებისათვის:

კონკურსანტთა განაცხადების მიღება იწარმოებს ქაღალდის მტარებელზე, საკონკურსო კომისიის სამდივნოში  შემდეგ მისამართზე:

ქ. თბილისი, საქართველო, ნუცუბიძის 77-ზე, დელისის მეტროს უკან

10:00-18:00 საათამდე

საკონტაქტო პირი:

მაია კვაჭანტირაძე

032 210 48 00

593 25 25 21

593 16 46 20

E-mail: info@tsuni.ge